ଓଡ଼ିଶାର ଜନଜାତିଙ୍କ ବାଚିକ ପରମ୍ପରା ପ୍ରସଙ୍ଗ
Main Article Content
Abstract
ସଂପ୍ରତି ବିଶ୍ୱାୟନ ପରିପ୍ରେକ୍ଷୀରେ ଅନ୍ୟାନ୍ୟ ସମାଜବିଜ୍ଞାନ ଭିତ୍ତିକ ବିଷୟ ପରି ଜନଜାତି ଲୋକସାହିତ୍ୟ ବା ମୌଖିକ ପରମ୍ପରାର ଅଧ୍ୟୟନ ମଧ୍ୟ ଏକ ବିଜ୍ଞାନ ଭିତ୍ତିକ ବିଷୟ | ଏହାର ବ୍ୟାପ୍ତି ଏତେ ଅଧିକ ଯେ ଏହା ପ୍ରତ୍ୟେକ ଜାତିର ତଥା ସଂସ୍କୃତିର ଅମୁଲ୍ୟ ସମ୍ପଦ | ଏପରିକି ନିଜ ଭୌଗୋଳିକ ବେଷ୍ଟନୀର ପ୍ରାଚୀର ଭାଙ୍ଗି ଲୋକଶୈଳୀ ଭାବରେ ଗଭୀର ଅଧ୍ୟୟନ ଓ ଅନ୍ୱେଷଣ ପାଇଁ ମାର୍ଗ ଫିଟାଇଛି | ତେବେ ନିର୍ଦ୍ଧିଷ୍ଟ ଜନଜାତି ଗୋଷ୍ଠୀର ପ୍ରଜାତିକ ପରିଚିତି ପାଇଁ ମୌଖିକ ଲୋକ ପରମ୍ପରା ଅଧ୍ୟୟନ ଜରୁରୀ ହୋଇପଡିଛି | ତେବେ ସେମାନଙ୍କ ମୌଖିକ ସାହିତ୍ୟର ବୈଶିଷ୍ଟ୍ୟ ଓ ବିବିଧତା ଆକଳନର ଏହା ଏକ ପ୍ରୟାସ ମାତ୍ର | ଯାହାଦ୍ୱାରା ସେମାନଙ୍କ ପ୍ରଜାତିତତ୍ତ୍ୱ ଓ ଜଗତୀକରଣ କାରଣରୁ ଧ୍ୱଂସାଭିମୂଖୀ ହେଉଥିବା ପରିବର୍ତ୍ତିତ ସମୟର ଚିତ୍ର ଧରି ରଖିବାରେ ଏକ ଅବଧାରଣା ସୃଷ୍ଟି କରିପାରିବ | କାରଣ ଅନ୍ୱେଷଣ ଓ ପ୍ରାପ୍ତିର ଐଶ୍ୱର୍ଯ୍ୟ ଜନଜାତି ପରମ୍ପରାକୁ ବିଶ୍ଵଜନୀନ କରିବାରେ ସମର୍ଥ ହେବ ସହ ସେମାନଙ୍କ ଲୋକ ବୈଜ୍ଞାନିକ ଚିନ୍ତନକୁ ପ୍ରଭାବିତ କରୁଥିବା ଲୋକଧାରାର ପରିଚୟ ମଧ୍ୟ ମିଳିପାରିବ |
ଏହି ଗବେଷଣାର ଅନ୍ୟ ଏକ ବୈଶିଷ୍ଟ୍ୟ ହେଉଛି ଓଡ଼ିଶାରେ ଥିବା ସମସ୍ତ ଜନଜାତିଙ୍କ ମୌଖିକ ପରମ୍ପରା ସାଧାରଣ ବୈଶିଷ୍ଟ୍ୟ ଆକଳନ | ଏହା ଫଳରେ ସେମାନଙ୍କ ଲୋକ ପରମ୍ପରାରେ ଥିବା ସାମ୍ୟ ଭାବନାର ଓ ବ୍ୟାବହାରିକ ଲୋକଧର ମଧ୍ୟରେ ଥିବା ସଂପର୍କ ବିଚାରରେ ଏକ ସ୍ପଷ୍ଟ ଦିଗ ନିର୍ଦ୍ଧେଶ ହୋଇପାରିବ |